உண்மையான ம.தி.மு.க - வைகோவிற்கு ஜெயலலிதா பாராட்டு

தேர்தல் கமிஷனிடம் இருந்து உண்மையான ம.தி.மு.க., என சான்றிதழ் பெற்றுள்ள வைகோவிற்கு ஜெயலலிதா வாழ்த்து தெரிவித்துள்ளார். இதுகுறித்து, ம.தி.மு.க., வெளியிட்டுள்ள செய்திக் குறிப்பு:

கடலூர் மாவட்டத்தில் சுற்றுப்பயணத்தில் உள்ள வைகோவிடம் ஜெயலலிதா நேற்று (23ம்தேதி) காலை டெலிபோனில் பேசினார். அப்போது, "இந்திய தலைமைத் தேர்தல் கமிஷன், உங்கள் தலைமையில் இயங்கும் ம.தி.மு.க.,தான் உண்மையான ம.தி.மு.க., என்று நிரூபித்து வெற்றி பெற்றதில் மிகுந்த மனமகிழ்ச்சி அடைகிறேன். உங்களுக்கு திட்டமிட்டு வேண்டுமென்றே பல கஷ்டங்களை கொடுத்தார்கள். அதையெல்லாம் முறியடித்து வெற்றி பெற்று விட்டீர்கள். உங்களுக்கு எனது இதயப்பூர்வமான வாழ்த்துக்களை தெரிவித்துக் கொள்கிறேன்' என்றார். அதற்கு வைகோவும் நன்றி தெரிவித்தார்.

நன்றி: தினமலர்